Calendario do emprego
|
Candidatas: Consellos para facer un bo curriculumO proceso de busca de emprego é un traballo en si mesmo que leva moito esforzo e dedicación, cuxo obxectivo é acadar un emprego no que nos desenvolver profesionalmente. Será preciso elaborarmos unha estratexia e plan de actuación onde identifiquemos aquelas empresas, entidades ou sectores que nos interesan e ós que nos imos dirixir. Para presentarnos será preciso elaborar o noso currículo que será a nosa tarxeta de visita. É o reflexo das nosas actitudes e coñecementos, da nosa profesionalidade; por iso a súa elaboración é de vital importancia e debemos dedicarlle todo o tempo que precisemos. O curriculo non acada de por si un emprego, mais abriranos ou pecharanos as portas.
Non existe un modelo ou forma máxica de currículo pero si unha norma xenérica: debe ser sinxelo de ler e á vez atraer a atención e suscitar o interese do/a seleccionador/a, destacando aquelas características persoais e profesionais que fan que o/a candidato/a sexa o idóneo para o posto.
Para acadalo detállanse algunhas regras prácticas, exponse un exemplo e un esquema detallado do currículo xenérico utilizado en España e do currículo europeo; a maiores exponse un esquema e exemplo de carta de presentación.
REGRAS PRÁCTICAS PARA A ELABORACIÓN DUN BO CURRICULO
- Debe estar ben estruturado. Facilitará a súa lectura e a localización de cada dato. Os bloques xenéricos de división son: datos persoais, formación regrada ou académica, formación complementaria, experiencia profesional e outros datos. Dependendo do itinerario estarán ou non todos presentes, á vez que poden aparecer outros coma idiomas ou informática.
- Usaranse todos os recursos dispoñibles para darlle unha imaxe atractiva acorde coa formalidade que require (negriñas, subliñados, espazos, liñas, tipos e tamaños de letra).
- Usarase sempre un orixinal, non fotocopias, e coidaremos o papel elixido, que sexa consistente, pode ser de cor mais en tons discretos. No caso de acompañalo dunha fotografía pódese inserir no currículo, senón deberase enviar tamén a orixinal.
- A súa redacción debe ser clara e directa, con frases e parágrafos curtos. Non se empregaran dúas palabras para o que se pode dicir en unha.
- A linguaxe empregada debe reflectir a cualificación e competencia profesional do/a candidato/a.
- Debe estar acorde co posto ó que se opta, reflectindo que se reúnen os requisitos.
- Debe ser defendible, non debe conter mentiras ou esaxeracións, pois pode perder credibilidade e á vez ser descuberto nunha entrevista o pechará portas no futuro. En todo caso pódense ocultar algúns datos que nun primeiro momento sexan negativos e que explicaranse nunha posible entrevista.
- Acompaña o curriculo dunha carta de presentación. Esta será a introducción, desprendendo as primeiras impresións do/a candidato/a. Debe ser personalizada, en orixinal, a corde co curriculum e amosará o interese e obxetivos do/a candidato/a con respecto o posto e a empresa.
- O curriculum non ira firmado, mais sí a carta de presentación. Pecharase o curriculum coa data, sendo suficiente o mes e o ano.
|
|